Nunatta aningaasai piviusunngunngitsoorsinnaapput

Nunatsinni namminerisatsinnik aningaasaaqalernissarput Folketingimi Nunatsinni pissutsinut tunngasunik ataatsimiititaliami ullumi aalajangiiffigineqassaaq.

Namminerisatsinnik aningaasaqalernissatsinnut siunnersuut juullinngitsiartoq aappassaaneerneqarami nunatsinni pissutinut tunngasunik ataatsimiititaliamut ingerlateqqinneqarpoq.

Nunatta namminerisaminik aningaasaasa nunatsinniinnaq atorneqarnissaat siunertaagaluarpoq. Siunnersuutilli aappassaaneerneqarnerani naalagaaffeqatigiinnermi tamarmi atorneqalernissaanik Dansk Folkeparti siunnersuuteqarpoq, tassungalu nunarput sinnerlugu Folketingimi ilaasortap aappaa, nunatsinnullu tunngasunik ataatsimiititaliap siulittaasua Kuupik Kleist isumaqataavoq.

Kuupik Kleist oqarpoq aningaasat piviusunngortinneqarnissaat akimmisaarutissaqanngitsoq, taamaattorli kingusinaarunartoq, tassami eqqunngitsunik assiliilluni aningaasaliortoqarnissaa ernummatigalugu, nunatta aningaasassaasa Danmarkimi aamma atorneqarsinnaanissaannut aningaasaqarnermut ministeri Bendt Bendtsen naalagaaffiullu aningaaserivissua akerliummata.