Nunatsinnut tikeraarnissamik tunissutisissapput
Nunatsinnut tikeraarnissap saniatigut aappariilersussat eqqumiitsuliamik ukkusissamik sanaajusumik tunineqassasut, Namminersornerullutik Oqartussat pisortaanerat Kaj Kleist, Nuuk TV-mut oqarpoq.
Pisortaanerup naatsorsuutigaa katittussat nunatsinnut aappaagu aatsaat tikeraarsinnaassasut.
Kunngikkormiut Sønderjyllandip ilaani Møgeltønderip oqaluffiani katippata nunatsinnit aallartitanik peqataasoqassanngilaq, katittorsiornerli KNR TV-kkut aqagu arfininngornermi nalunaaqutaq quliniit malinnaavigineqarsinnaassaaq.
Nunatta nalunaaqutaa malillugu nalunaaqutaq ataatsimut katissapput, katititsisoralugu biskop Erik Normann Svendsen.