Nunatsinnut ministeriusimasoq 85-iliivoq

Nunatsinnut ministeriusimasoq Knud Hertling, ullumikkut 85-inik ukioqalerluni inuuissiorpoq. Knud Hertling, 1971-imi kalaalersatuaalluni qallunaat naalakkersuisuini Nunatsinnut ministerinngorpoq.
Allattoq Elisa Isaksen
januaarip 07-at 2010 11:54

Knud Hertling Danmarkimut 1945-imi nuuppoq, Københavnillu universitetiani inatsisilerituutut ilinniagaqarluni. Nunatsinnit Folketingimut 1964-imi qinigaavoq, Socialdemokratillu suleqatigilerlugit.

Sukaq Parti, kalaallit nammineernerulernissaannik siunertaqartoq, ukiut tallimat qaangiummata pilersippaa. Ministeriunerup Jens Otto Kragip 1971-imi Nunatsinnut ministerinngortimmani, Knud Hertlingip partiini atorunnaarsippaa.

Knud Hertling, Anker Jørgensenip ministeriunerata nalaani, 1973-ip tungaanut ministeritut ingerlaqqippoq, taamaalilluni namminersornerulernerup eqqunneqarnissaanut kalaallit kissaataannik oqaasertalersuisunut peqataalluni.

Tamatuma saniatigut Knud Hertling Nunarput pillugu arlalinnik atuakkiaqarpoq, Kalaallit Atuakkiortunit nersornaasigaalluni, kiisalu Namminersornerullutik Oqartussanit Nersornaammik nersornaasigaalluni.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk