Nunatsinnut isorinninnerit nersualaarinerillu
Kalaallit Nunaat, Danmark aamma Savalimmiut peqatigalugit, Naalagaaffiit Peqatigiit meeqqqat pillugit ataatsimiititaliaani nalilerneqarmat ilaatigut tamakku isorineqarsinnaasutut taaneqarput.
Naalakkersuisulli Meeqqat pillugit siunnersuisoqatigiiliorniarnerat, meeqqallu pisinnaatitaaffii pillugit suliniuteqarniarnerat nersualaarneqarpoq.
Naalagaaffiit Peqatigiit Meeqqat pillugit ataatsimiitialiaanni Kalaallit Nunaannut tunngasunut inerniliat Naalakkersuisunit maanna tiguneqareerput, isorineqarsinnaasullu nersualaarneqartullu pillugit oqaaserineqartut tusarniarneqarumaartut, Isumaginninnermut naalakkersuisumit Maliina Abelsenimit oqaatigineqarpoq:
- Naalagaaffiit Peqatigiit ataatsimiittaliaannit innersuussutit, inuusuttut meeqqallu pillugit Nunatsinni sulianut assigiinngitsorpassuartigut naapertuupput, nunallu immikkoortuini ineriartornissaq pillugu suliniutinut naapertuullutik. Nunattali assigiinngitsutigut unammilligassaqarneranik Naalagaaffiit Peqatigiit oqaaseqarnerat isumaqatigaara, Naalagaaffiimmi Peqatigiit aalajangersagaat najoqqutaralugu pisussaaffivut eqquutsissagutsigit suli naammassisassaqarpugut, Isumaginninnermut naalakkersuisoq Maliina Abelsen oqarpoq.
Naalagaaffiit Peqatigiit Meeqqat pisinnaatitaaffii pillugit aalajangersagaa matumani pineqarpoq.
