Nunatsinnut angerlarusunneq ajorput

Kalaallit nunaannut angerlarnissaq ukiorpassuit parnaarussaasimalluni allanngornerujussuussaaq. Herstedvesterimi parnaarussat kalaallit nunaannut ukiut tallimat qaangiuppata angerlartinneqalerunik tamarmik angerlarumanavianngillat.

- Inissitat arlallit ukiorpassuarni Danmarkimi najugaqarput, Kalaallit Nunaannilu ilaquttaminnut ikinngutiminnullu attaveqarunnaarsimasuullutik, taamaammat maani Danmarkimi inuunermik nutaamik ingerlatsilernissartik kissaatigineruaat, parnaarussanut pulaartartunut ukiuni arfineq marlunni aaqqissuisuusoq Henriette Kjær radioaviisimut oqarpoq.

- Taamaammat parnaarussat ataasiakkaarlugit tusarniarneqarnissaat pingaaruteqarpoq, tamarmik siunissaq qanoq takorloorneraat tusarniarneqaqqaartariaqaraluarpoq, Henritte Kjær oqarpoq.

Parnaarussivimmi Herstedvesterimi parnaarussanut kalaallinut aamma Århusimi sianiutimikkut napparsimasut immikkoortortaqarfianut matoqqasumut pulaartartut 30 –it missaanniipput.