Nunatsinniit nuuttut sulisussaaleqisitsinerarpai

Kalaallit Nunaanniit nussortut ukiut kingulliit arfinillit amerliartupiloorsimapput, taakkualu akornanni Kalaallit Nunaanni inunngorsimasut amerliartuinarput, Kalaallit Nunaanni naatsorsueqqissaartarfimmiit kisitsisit tamanna takutippaat. Kisitsisit aamma takutippaat nuuttartut assiginngitsunik ukioqartut.

Aningaasaqarnermut qullersaqarfimmi pisortap Peter Beckip oqaatigaa aningaasaqarniarnermut ajortumik sunniuteqartoq, nussortullu pissutaat Danmarkimi naassaarineqarsinnaassasoraa.

Ukiut kingulliit Danmarkimi aningaasaqarnikkut ingerlalluarnerup kingunerisa ilagaat sulisussaaleqineq, taamaammat Danmarkimut nuuttut suliffissaaleqineq ajorput. Tamassumap kinguneraa Kalaallit Nunaanni tunisassiornermi inunnillu sullissinermi sulisussaaleqineq, siornatigullu sanaartornerup iluani pisortallu suliffiutaanni soorlu atuarfinni ilinniartitsisussaaleqivugut. Siunissamilu qaarusunni aluminiumiliornerullu iluani sulisinnaasut tamaasa atorfissaqartissavagut, Peter Beck oqarpoq.