Nunatsinniit nutserartut amerliartorput
2008-mi 3.175-it Nunatsinnit nuunniarlutik aalajangersimapput, Nunatsinnullu nuuttut 2.537-iullutik. Tassa taamaalilluni Nunatsinni innuttaasut 638-nik siorna ikileriarput. Tamatuma assigaa, 2008-mi timmisartorsuit pingasut ilaasunik ulikkaavillutik Nunatsinnit Københavniliartut ilaasoqaratillu uterlutik.
Avammut nutsertut 2004-mit amerliartulersimapput. Taamanimi maanga nuuttunit avammut nuuttut 236-nik amerlanerusimammata. Kisitsit taanna 2008-mi pingasoriaatingajanngorsimavoq, tassa 638-ugamik.
Kisitsisit nutaat Naatsorsueqqissaartarfimmeersut ersersippaat, Nunatsinni innuttaasut ukiut sisamassaannik ikileriarsimasut. 2005-imi januaarip aallaqqaataani Nunarput 56.969-inik inoqarpoq, 2009-milu januaarip aallaqqaataani 56.194-inik inoqarluni, tassa ikileriaat 715-iulluni.