Folketingimut novembarip aallaqqaataani qinersisoqassaaq.Assi: KNR

Nunatsinniit Folketingimut sassartut

Folketingimut novembarip aallaqqaataani qinersiartuleruit, nunatsinniit qinigassanngortittut 15-it arlaat toqqagasarissavat.

Qinigassanngortittoq Hans Enoksen ilanngullugu oktobarip ulluisa 24-anni nutarterneqarpoq

Folketingimut novembarip aallaqqaataani qinersilerutta nalorniguillu kina qinissanerlugu nalorniguit, aajuku ilisarititsinerit naatsut, qineqqusaarutaallu ataaseq pingaarneq atuarsinnaavatit.

Qinigassanngortittut 15- iupput taakkunannga marluk qinigassanngorteqqipput, Inuit Ataqatigiinneersoq Aaja Chemnitz aamma Siumumiit Aki-Mathilda Høegh-Dam. Sinneri qinigassanngortittut ataani qimerloorsinnaavatit.

 

Ateq: Tillie Martinussen

Partii: Attaviitsoq

Ukiut: 42

Ilinniagaq: Psykoyerapeuti, suliniutinut aqutsisoq, aqutsisutullu pikkorissarnikoq

Folketingimut isissaguit suna pingaarnertut sulissutigissaviuk?

- Danmarkimi nunatsinnilu ikiortarialinnut, meeqqanut utoqqarnullu iluaqutaasussamik Namminnersorlutik oqartussat inatsisaata allanngortinneqarnissaa sulissutigerusuppara.

 

Ateq: Arnánguak’ Jeremiassen

Partii: Atassut

Ukiut: 44

Ilinniagaq: Oqaasilerinermik, atuakkialerinermik tusagassiuutilerinermillu Bachelori

Folketingimut isissaguit suna pingaarnertut sulissutigissaviuk?

Peqqinnissaqarfiup Naalagaaffimmut utertinneqarnissaa.

 

Ateq: Aviaq Kleist

Partii: Atassut

Ukiut: 39

Ilinniagaq: Igasoq, Nerisassanik ilisimasalik

Folketingimut isissaguit suna pingaarnertut sulissutigissaviuk?

- Pingaarnertut peqqinnissaqarfik naalagaaffimmut utertinnissaa sulissutigissavara.

 

Ateq: Hans Enoksen

Partii: Naleraq 

Ukiut: 66

Ilinniagaq: Niuertoq

Folketingimut isissaguit suna pingaarnertut sulissutigissaviuk?

- Nunatta utertinneqarnissaa, nunarput Danmarkimit pigineqartoq utertissavara. Namminersornerullutik oqartussat eqqunneqaqqaarpoq, Namminersorlutillu Oqartussaqalerluta kisianni inatsisitigut Danmarkip nunarput pigigaa allaqqavoq, taanna allanngortissavara.

 

Ateq: Kirsten Fencker

Partii: Naleraq

Ukiut: 43

Ilinniagaq: Aningaasaqarnermut isumalluutinillu aqutsisinnaaneq & Qaffasissumik aqutsinermut aaqqissuussinermullu ilinniarneq. 

Folketingimut isissaguit suna pingaarnertut sulissutigissaviuk?

- Kunngeqarfik Danmarkip inuussutissalerinermut oqartussaaffimmik, nunatsinniik ingerlanneqalertumik pilersitsinissaa qulakkiissavara. Taamaaliornikkut nunatsinniik nunamut allanut toqqaannaq niuersinnaalissaagut tunisassiorsinnaalerlutalu.

Nunatta aningaasarsiorsinnaanera qaffassaaq, ineriartortitsisinnaanerpullu pitsaanerulerluni.

 

Ateq: Juno Berthelsen

Partii: Naleraq

Ukiut: 40

Ilinniagaq: Nunani assigiinngitsuni kulturi inuiaqatigiinnilu pissutsit pillugit kandidati

Folketingimut isissaguit suna pingaarnertut sulissutigissaviuk?

- Uanga sorsuutigissavara Danmarkimi Kalaallit meerartaasa pinngitsaaliissummik arsaarinnissutigineqartarnerat unitsinneqassasoq.

Sorsuutigissavara danskit pisortat-oqartussat ILO-169 aallaavigalugu pisussaatitaanerat kalaallit ilaqutaarit illersornissaat nutserisunillu ikiorserneqarnissaat qulakkiissallugit.

 

Ateq: Aaja Chemnitz

Partii: Inuit Ataqatigiit

Ukiut: 44

Ilinniagaq: Allaffissornermi kandidati

Folketingimut isissaguit suna pingaarnertut sulissutigissaviuk?

- Meqqat kinguaassiuutitigut atornerlunneqarsimasut ikiorneqarnissaat taavalu nunatsinni politiit pineqaatissinneqarsimasunullu inissiisarfinni nakkutilliisut pitsaanerusumik aningaasarsiaqalernissaat sulissutigerusuppara. Taakkumi imminnut attuumassuteqarput.

 

 

Ateq: Aqqalukkuluk Fontain

Partii: Inuit Ataqatigiit

Ukiut: 34
Ilinniagaq: Qarasaasialerinermi sullissinerup ataani imminut ilinniartinnikoq

Folketingimut isissaguit suna pingaarnertut sulissutigissaviuk?

- Qarasaasiatigut sillimaniarnermi (Cybersikkerhed) kunngeqarfik tamakkerlugu naligiimmik inerisarnissaa. 

 

Ateq: Arnâránguak’ Inûsugtok’ Rohde

Partii: Inuit Ataqatigiit

Ukiut: 41

Ilinniagaq: Ilinniartitsisoq

Folketingimut isissaguit suna pingaarnertut sulissutigissaviuk?

- Siullertut uanga sulissutigerusussuara kalaaleqatigut imminnut pilersorsinnaanissaannik ujartuissagama. Piffinni kalaalimineqarfiusuni piniartut aalisartullumi tunitsivissaannik qerinasuartitsivinnik pilersitsinissaq ujartussuara. Piniartup pisani tikiuppagu qerinasuartitsivimmut sulisunik suliarineqarluni qerinasuartinneqaruni avataaniik piniarfigineqarsinnaavoq.

 

Ateq: Karina Zeeb

Partii: Siumut

Ukiut: 35

Ilinniagaq: Inatsisilerinermi ilinniagalik.

Folketingimut isissaguit suna pingaarnertut sulissutigissaviuk?

- Pinerluttulerinermi inatsisip  nunatsinni maannamut suli iluatsinngitsup iluarsiiviginissaa anguniassavara. Assersuutigalu inuk toqutsisimappat allatulluunniit pinerluuteqarsimappat eqqartuussaanermini inuup ataatsip aalajangigaanik pineqaatissinneqarnani,  pineqaatissiinermi aalajangersimasumik sinaakkusiisoqartalernissaa inatsisinik ilisimasaqarnera tunngavigalugu anguniassavara. 

 

 

Ateq: Elvira Kuitse

Partii: Siumut

Ukiut: 29 år

Ilinniagaq: Inatsisilerituutut ilinniartoq.

Folketingimut isissaguit suna pingaarnertut sulissutigissaviuk?

- Sassarpunga isumaqarama systemi Kalaallit Nunaani atuutsinneqartoq inuiaqatigiittut naleqartitatsinnut, kinaassusitsinnut, kulturitsinnullu tulluanngilluinnarmat.

Systemimi inorsinneqarluta inuusussaannginnatta.

Inuit tamaasa nukiit tamaasa pikkoriffiillu tamaasa nunatsinni atorfissaqartippagut, ilinniarsinnaaneq uagut nammineq oqaatsigut atorlugit annertusarneqartariaqarpoq.

 

Ateq: Aki-Matilda Høegh-Dam

Partii: Siumut

Ukiut: Ullumi 26-iliivunga

Ilinniagaq: Naalagaaffiit Pissusaannik Ilisimatusarneq

Folketingimut isissaguit suna pingaarnertut sulissutigissaviuk?

- Inuiaqatitsinnut pisimasut amiilaarnavissortut qulakkeerneqarlutik saqqummeralertut, soorlu “spiralskandalen” aamma kalaallit meeraanik arsaarinnittarnerit.

Taamaattoqarnerani anguniakkat tungaatigut, suliassaq pingaarnerpaatut: Naleqartitavut aallaavigalugit sutigut tamatigut tunuarsimaarnanga, iluareqqusaarnanga, kalaallit inuiaat Qallunaat Nunaanni illersortuarnissaat qulakkiissavara.

 

Ateq: Markus E. Olsen

Partii: Siumut

Ukiut: 56

Ilinniagaq: Teologi, Katsorsaasoq

Folketingimut isissaguit suna pingaarnertut sulissutigissaviuk?

USA Pituffik aqqutigalugu nunatsinnik atuinermini toqqaannartumik akiliuteqartalissasoq, naammanngilaq kiffartuussinermi isumaqatigiissut malillugu sulisut ataasiakkaat taamaallaat akileraartarnerat!

 

Ateq: Anna Wangenheim

Parti: Demokraatit

Ukiut: 40

Ilinniagaq: Peqqissaasutut bachelori

Folketingimut isissaguit suna pingaarnertut sulissutigissaviuk?

- Folketingimut isissaguma pingaarnertut siullertut sulissutiginiagassara tassaasooq nunatsinnut nunanit allaniit sulisussarsiornissamut inatsisit aporfiusut piiarneqarnissaat, taamaalilluni nunatsinni oqartussaaffiit nukittorsarnissaannut qulakkeerinninnerussaaq pingaarnertullu peqqinnissaqarfimmut sulisoqarniarnermut aaqqiissutissanik siunnerfeqartumik, nunanut allanuttaaq suleqatissarsiornissamut aqqutissiuusissalluni.

 

Ateq: Justus Hansen

Partii: Demokraatit

Ukiut: 54

Ilinniagaq: Automekaniker

Folketingimut isissaguit suna pingaarnertut sulissutigissaviuk?

- Nunani tamalaani politikikkut pisut.