Glasgowimi peqqarniisaariaraluarneq Londonimilu peqqarniisaarniaraluarnerit Danmarkimi ilimasunnerulersitsipput. Danmarkimi mittarfiit annerit misissorluarneqarnissaannik politiit isertortumik paasiniaasartoqarfiat PET kaammattuuteqarpoq.
Danmarkimi politeeqarfiit mittarfilinniittut kaammattorneqarput mittarfeqarfinni pisortat suleqatigalugit mittarfinni isumannaalliisaaneq misissussagaat, tamanna kaammattuut allakkatigut PET-imiit politeeqarfinnut nassiussorneqarsimavoq.
Nunatsinni politiit PET-t kaammattuutaannik tigusaqarsimanngillat, taamaattumillu iliuuseqarniaratik, politimesteri Steen Thomsen oqarpoq.