Nunatsinni tuniniarneqarsinnaasut aallunneqarlik

Kilisaatit allallu aalisartut, saniatigut pisarisuugaasa naleqarluartut, tulaateriarlugit tunisassiarisalernissaat Siunnersuisoqatigiit aqqutissiueqataaffigisariaqaraluaraa, Jørn Hansen isumaqarpoq. Nunatsinni suliffeqarfiit nunanut allanut tuniniaasinnaanerat siuarsarniarlugu Nordisk projekteksportforbund, Dansk Eksportrådilu pingasoriarlutik GTE-mit ataatsimeeqatigineqaqattaarput. Jørn Hansenili isumaqarpoq Kalaallit Nunaanni tunisassiorfiit ikeqimmata, tunisassiat ikittut immikkuullarissullu Kalaallit Nunaanni tuniniarneqarsinnaasut siuarsarneqartariaqaraluartut, taamaalilluni aamma nerisassanik akoorutissanik akuugaanngitsunik Kalaallit Nunaanni pisiarisinnaasatsinnik tunisassiorneq piorsarneqarsinnaassagaluarmat – taamaalilluni aamma aningaasat pisissutigineqartartut iluanaarutigineqartartullu tamarmik Kalaallit Nunaanni kaaviiaartinneqarsinnaalissagaluarmata.