Nunatsinni sumiiffinni arlalinni Uraneqarpoq
Kujataani sumiiffinni arlalippassuarni uraneqarfeqartoq Nunatsinni Danmarkimilu ujarassiuutut misissuiffimmi ujarassiooq Karsten Secher oqarpoq.
- Pingaartumik Kujataa tamarmi ajornartorsiorfiulissaaq, aatsitassat assigiinngitsutigut Uranimik akoqartarmata, Kuannersuillu taakkununnga ilagiinnarpoq, ujarassiooq oqarpoq.
Uraneqarfinni allanik aatsitassarfiusuni urani uninngatiinnarlugu aatsitassat allat qallorneqarsinnaanersut aperineqarami akivoq:
-Tamatumani aamma pinngortitap aaqqissuussaanerata ajornaatsunngorsarnissaa mianersuuttariaqarpoq, tassami aatsitassat ilisimasavut tamavissuarmik uranitaqanngillat. Tassami imaappoq Kuannersuarni uranimi eqqartorneqartumi aatsitassat ataatsimoorput, tassa siulleq aallartinneqarsinnaanngilaq alla attoqqaartinnagu. Sumiiffinni allani aatsitassat assigiinngitsut marluusarput, ilaanneeriarluni ajornannginnerusumik avissaartinneqarsinnaasartut, pingajuattullu urani kuultilu, taakkualu ajornanngitsunnguamik avissaartinneqarsinnaasarlutik, kisiannili urani naggataatigut kiserngoruttarluni, ujarassiooq Karsten Secher erseqqissavoq.
