Nunatsinni spejderit Danmarkimi tammaarsuaqataassasut

Nunatsinni spejderit 23-it Danmarkimi spejderit tammaarsimaarnissaarsuannut peqataanissaminnut qilanaaqalutik nunatsinnit ippassaq aallarput. Tammaarsimaarnissaq qallunaatut taaguuteqartoq spejdernes lejr 2012, Danmarkimi tammaarsimaartitsisarnerni annersaavoq.
Allattoq Ludvig Siegstad
juulip 20-at 2012 12:38

Danmarkimi spejdereqatigiit assigiingitsut amerlasuut siullermeerlutik suleqatigiissammata, amerlanerpaanik peqataaffigineqassaaq, spejderit 35.000-it sapaatip akunneranik sivisussuseqartumi petaqaassallutik.

Kalaallit Nunaanni Spejderit Kattuffiata siulittaasua Hans Christian Lennert oqaluttuarpoq, Nunatsinniit peqataasussat qilanaaqisut:

- Peqaataajartortitagut assut qilanaarput, amerlanersaallu aatsaat Danmarikimiikkamik nuannisartorujussuupput, Hans Christian Lennert oqarpoq.

Sapaatiuppat ammaanersiortoqassaq, tassanilu Danmarkip ministeriunera, Helle Thorning Schmidt, ilaatigut najuutissaaq. Spejderillu ammaanersiornermi, inunnit 50.000-init najorneqartussami, peqatanissaminnut nunatsinneersut pissamalereerput.

Tassami kalaallit marluk katinngatiliisaarlutik iseqataassapput:

- Ammaanersiortoqarpoq aliikkusersuisoqarlunilu nipilersortoqassaaq, tamannalu qilanaarnarpoq, Hans Christian Lennert oqarpoq.

Spejderinit 35.000-init peqataasunit 4500-it nunnani allaneersuupput. Taakkualu nunanit assigiinngitsunit 35-init  amerlanernit aggersuullutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq