Nunatsinni skakimi pissartanngorniunneq islandimiusut aalajangiiffigineqassaaq

Islandimi skakkertartut klubbiisa internetikkut ukiumoortumik pissartanngorniunnissaat ilutigalugu kalaallit unammisartut pissartanngorniunnermut qaaqquneqarput.

Tamannalu unammersuaarnissami peqataasussap Nuummilu skakkertartut klubbianni siulittaasup Malik Brønsip nuannaarutigaa. Internettikkummi skakkimik unammersuarnerit siunissami ingerlanneqartalernissaannut aallarnisaataassasoq Brønsip neriuutigaa.

- Skak pineqartillugu Island kammaginerpaavarput, Nunatsinni skakkertarnermimmi ukiuni kingullerni siuarsaangaatsiarput. Maannalu skakkip kulturianut alloriarnerup tullia takusinnaasara tassaavoq skakkertartutta skakkimik unammersuartarnissaannut periarfissatsialassuit allat, Malik Brøns oqarpoq.

Skakkimi unamminermi malitassaq tassaassaaq sukkasuumik skakkerneq minutsinik pingasunik sivisussusilik.