Nunatsinni puisit pillugit atuagaq nutaaq

Atuakkiortuuvoq Pinngortitaleriffimmi ilisimatusartoq, Aqqalu Rosing-Asvid. Nunatsinni puisit pillugit ilisimasat nutaanerpaat atuakkami allaaserineqarput.

Atuagaq piviusunngorsinnaasimavoq Aage V. Jensenip Aningaasaateqarfianit tapiiffigineqarnikkut. Aage V. Jensenip aningaasaateqarfiata aamma tapiineratigut atuakkat allat arfernut, nannunut aamma arrinut tunngasut saqqummersinneqareersimalerput, tassalu atuagaq puisinut tunngasoq maanna saqqummersinneqarluni.

Puisit 150.000-it Nunatsinni ukiumut pisarineqartarput, inuiaqatigiinnullu pingaaruteqarluarlutik. Puisit amii aamma piniartunut pingaaruteqarluarput, tassami piniartut 2.500-t aningaasarsiutigisarmatigik.

Nunatsinni puisit assigiinngitsut arfinillit pillugit atuakkiaavoq. Tassani allaaserineqarluni puisit assigiinngitsut pissusilersuutaat assigiit, pingaarnerutillugu allaaserineqarsimallutik immami uumasunik piujuaannartitsinermi puisip pingaarutai.

Atuagaq kalaallisut, qallunaatut aamma tuluttut saqqummersinneqarpoq.