Nunatsinni puigortunngorneq pillugu filmi piariilerpoq
![](/sites/default/files/styles/image_934x467/public/article_images/gammel_haand_630.jpg?itok=NrRpTfcC)
Siusinnerusukkut oqartoqartarpoq eqqaamasinnaanagit, ullumikkulli ajornartorsiutit tamakku nakorsanit suussusersineqartalerput. Puigortunngorneq inuiaqatigiinni atugaaleriartorpoq. Ilitsersuisartoq Kirsten Sejerøe-Szatkowski assiliisartorlu Nuummi Kapisilinnilu immiussisimapput puigortunngornermik nappaat pillugu neriuppullu nappaat pillugu paqumiginninneq filmi iluaqutigalugu annikillisinnaasoq.
- Suliarput pillugu Kalaallit Nunaanni assut inussiarnisaarfigineqarsimavugut, neriuppugullu nappaat taanna ilungersunartoq pillugu kalaallit allaanerusumik paasinnittalersissinnaallugit. Inuimmi ilaasa nalornissutigisarpaat qanigisatik puigortunngortut qanoq iliuuseqarfigissanerlugit. Nappaatilli sammineratigut aammalu qanoq nakorsarneqartarnera pillugu saqqummiussinikkut neriuppugut puigortunngornerup paqumigineqartarnera annikillileeqataaffigisinnaallugu, Kirsten Sejerøe-Szatkowski oqaluttuarpoq.
Filmiliortut kalaallit nuannaartorisatut atorneqarsinnaasut malittaraat sapertut inaanni kalaallillu angerlarsimaffiini malittaralugit. Massakkorpiaq filmip kalaallisut oqaasertassai suliarineqarput filmiliortullu neriuutigaat filmi aasap ingerlanerani takuteqqaarneqarumaartoq.
- Amerlanerujartortut puigortunngorneq qanimut misigisaqarfigisarpaat amerlaqisulli qanigisatik puigortunngornermik eqqorneqaraangata qanoq iliussanerlutik nalulersarpaat. Misilipparput nappaammik nalaataqarnermi qanoq iliuusaasinnaasunik kalaallit tunniussaqarfigalugit. Tamatigut nakorsaq akuliuttussaavoq puigortunngortoq ikiorserneqarniassammat. Taama pisoqarnera ilaqutariinnut napparsimalersumullu isumalerujussuuvoq, Kirsten Sejerøe-Szatkowski oqarpoq, filmiliartillu puigortunngorneq pillugu Danmarkimi isumasioqatigiinnermi saqqummiussimavaa.