Nunatsinni politimesteriusimasut Danmarkimi atorfikkaanngortut
Danmarkimi politiini qaffasissumik atorfeqarniaraanni Kalaallit Nunaanni politimesteriusimanissaq aqqutissaavoq.
Danmarkimi politeeqarfiit aaqqissuusseqqiffigineqaqqammerput, paasinarsivorlu nunatsinni politimesteriusimasut qaffasissumik atorfeqalersimasut, immikkoortortani aqutsisunngormammata.
Immikkoortortaqarfiit angisuut aqqaneq-marluk aqutsisussaat inatsiseqarnermut ministerip Lene Espersenip toqqareerpai. Immikkoortortani marlunni nunatsinni politimesteriusimasut, Anders Linnet aamma Jørgen Meyer.
Nunatsinni politimesteriusimasut saniatigut vicepolitimesteriusimasoq Jens Henrik Højbjerg Jyllandip avannaata tungaani aqutsisunngorsimavoq.