Nunatsinni politiit 34-inik ilalerput
marsip 17-at 2006 07:07
Politiit Danmarkimeersut katillugit 34-it nunatsinnut taartaagallartussanngorput, affangajaat Nuummiissallutik. Taama Sermitsiaq ullumi saqqummersoq allaaserisaqarpoq.
Politiit suliassarpassuatik naammassisinnaajumallugit ukioq manna amerlanernik sulisoqarnissaq pisariaqartilersimavaat.
Nuup politeeqarfia politiinik 15-inik ilagallarneqassaaq, sinerissamilu politeeqarfiit katillugit 19-nik sulisoqalissallutik. Sumiiffiit ilaanni politeeqarfiit aatsaat taama amerlatigisunik sulisoqaqalissapput.
-Politiit amerlinerisigut suliassat ataavartut suliarisassatta isumaginissaanut nukissaqarnerulissaagut. Tassanilu pineqartut ilagaat annersaanerit, tillinniarnerit pinngitsaaliinerillu, politimesteri Steen Silberg Thomsen Sermitsiamut oqarpoq.
