Nunatsinni piniartutut inuuneq
Qaanaami piniartoq Mads Ole Kristiansen ullutsinni ukioq kaajallallugu Avanersuarmi piniartuuneq pillugu arfininngornermi unnukkut oqaluttuassaaq. Silaannaap kissatsikkiartornera qanoq Avanersuarmi piniartunut sunniuteqarnersoq oqaluttuarineqassaaq. Piniartup aamma oqaluttuarissavaa Avanersuarmi piniakkanik killilersuineq piniartumut qanoq sunniuteqartarnersoq.
Oqalugiarnerup saniatigut aamma qilaatersortoqassaaq, assinik takutitsisoqassalluni aamma oqallissaarisoqassalluni.
Oqalugiarnermi kitaamiusut oqaatsit atorneqassapput, qallunaatulli aamma nutserisoqarumaarluni.
Ullutsinni piniartutut inuuneq pillugu oqalugiarneq Hans Lyngep Inersuani ingerlanneqassaaq kikkullu tamarmik akeqanngitsumik isiginnaariarlutillu tusarnaariarsinnaapput. Aaqqissuussineq nal.20.00 aallartissaaq pilersaarullugu malillugu nal.21.30 naammassissalluni.