Nunatsinni peqqissaasutut atorfiit affaat inuttaqanngillat

Dronning Ingridip napparsimmavissuani peqqissaasunik suli amigaateqartoqaqaaq. Nuna tamakkerlugu napparsimmavissuarmi peqqissaasutut atorfiit affaat angullugit inuttaqanngitsut, Danmarks Radio ullaaq manna allaaserinnippoq.
apriilip 14-at 2009 07:15

Peqqinnissaq Pillugu Kattuffiit siulittaasuat, Karin Holler isumaqarpoq, peqqinnissamik suliaqarnermik aaqqissuussineq tamarmi, uteqattaartuartumit pitsaanngitsumit sunnersimaneqartuartoq, tassami paarlattaasartut akisoorujussuit Danmarkimeersut aningaasartuutigineqaqaat, peqqissaasullu atorfeqareersut napparsimasut inaanni ulikkaaraluttuinnartuni ulapisinneqartuarlutik. Tamannalu siulittaasup ernumanartoqartippaa.

- Sulisut tamanna ingerlatiinnarsinnaanngilaat. Inuit taamatut atugaqartinneqartinneqarnertik piffissami sivisunerusumi ingerlassinnaanngilaat, Karin Holler, DR-imut oqarpoq.

Karin Holler aamma isumaqarpoq suliaritinniarlutik utaqqisut, soorlu siffissamikkut suliaritinniarlutik utaqqisut amerlanerujussuat akuerineqarsinnaanngitsoq.

- Inuit sulerulutsitaasut sulisinnaajunnaartarput, aamma ukiunilu arlalinni napparsimassagaanni tamanna inooqatigiinnermut akisoorujussuanngorsinnaavoq. Tamanna inuiaqatigiinnut nutaaliasunut ataqqinaataanngilluinnarpoq, Karin Holler oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq