- Mittarfinni utaqqisarfiit angalasussanit, tassa angalanissamut bilitseqartunit, taamaallaat atorneqarneqarsinnaaput. Angalussaanngitsut mittarfinni utaqqisarfinnut iseqqusaasassanngillat, Henrik Estrup erseqqissaavoq.Assi: Mittarfeqarfiit

Nunatsinni mittarfinni tamani utaqqisarfinnut iserniartunik nakkutilliisoqartalertoq

Mittarfeqarfiit mittarfinni tamani utaqqisarfinnut iserniartunik nakkutilliisalerput. Angalanissamut bilitseqanngikkuit mittarfinni utaqqisarfinnut iseqqusaanngilatit.

Namminersorlutik Oqartussat corona pillugu killilersuinerit marlunngornermi oktobarip ulluisa 29-anni sukannernerulersippaat. Tassa imaappoq, Mittarfeqarfiit mittarfinni tamani utaqqisarfinnut iserniartunik nakkutilliisalerput.

Mittarfeqarfiit pisortaanerat, Henrik Estrup, tusagassiuutinut marlunngornermi unnukkut taama nalunaaruteqarpoq.

- Mittarfinni utaqqisarfiit angalasussanit, tassa angalanissamut bilitseqartunit, taamaallaat atorneqarneqarsinnaaput. Angalussaanngitsut mittarfinni utaqqisarfinnut iseqqusaasassanngillat, Henrik Estrup erseqqissaavoq.

Angalasullu tamarmik mittarfeqarfiit utaqqisarfiinut isertut qanermut assiaquteqarlutilluunniit kiinnamut assiaquteqassapput. Taakkua atorneqanngippata mittarfiit utaqqisarfiinut iseqqusaassanngillat.

AAMMA ATUARUK Naalakkersuisut: Fem dages karantæne bliver et krav fra i morgen

Kangerlussuarmi aqqusaartunut utaqqisarfik, Kangerlussuarmi innuttaasunut matoqqatinneqartassaaq, timmisartorsuarmit Danmarkimeersunit ilaasut utaqqisarfimmiinneranni. Mittarfeqarfiit taama nalunaaruteqarput.

Kangerlussuarmi innutaasut timmisartorsuup Kangerlussuarmiinnginnerani utaqqisarfimmiissinnaapput, aamma cafeteriami neriniartarfimmilu. Kisianni qanermut kiinnamulluunniiit assiaquteqarnissaat piumasaqaataavoq.

Nerinermili qanermut kiinnamulluunniit assiaquteqarnissaq piumasaqaataanngitsoq, Mittarfeqarfiit pisoortaanerat ilisimatitsivoq.

Qanermut kiinnamulluunniit assiaquteqarnissamik piumasaqaat mittarfiit utaqqiisarfianniittunut tamanut atuuttoq, taakkunanili sulisunut assiaqussuit tunuanniittunut atuutinngitsoq, Mittarfeqarfiit pisortaanerat oqarpoq.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 10353
  Tunillanneqarsimasut
17
  Peqqisseqqittutut nalunaarutigineqartut 16
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Takuuk: nun.gl Nunatsinni Nakorsaaneqarfik
  Nutarterneqarpoq
  oktobarip 23-at 2020 nal. 10:45