VIDEO Nunatsinni maratonerluni pissartanngorniunneq

Ukioq manna nunatsinni maratonerluni pissartanngorniunneq, Aasiaat Midnight Sun Marathonertoqarnerani, tallimanngornermi juunip 26-ani unnukkut ingerlanneqarmat barnevognertuninngaanniit pimoorussillutik timersortartunut, katillugit 189-iusunit, peqataaffigineqarpoq.

Ukioq manna maratonimik nunatsinni pissartanngorniunneq tallimanngormat juunip 26-ani Aasiaat Midnight Sun Marathonertoqarnerani ingerlanneqarpoq.

Arpanniarlutik allatsissimasuni 189-iusuni aqqaneq marluk 42 kilometerimut allatsissimapput, sinnerilu takissutsinut naannerusunut ukununnga agguataarsimallutik; 21 km 10,5 km 4,2 km.

- Februarimi sianerfigitippugut Aasianni maratonip aaqqissuunnissanut GM-iusinnaannginnersoq paasiniaaffigineqarluta. Saaffigineqarnerput qujarullugu tinguarput, taavalu Aasianni ukioq manna grønlandsmesterskabiunissaa akuersissutaammat tamanut suaarutiginikuuarput, Aasianni Grønlandsmesterskabi takisuumut arpannermi ingerlanneqassasoq. Tassalu 42 kilometerimut Grønlandsmesterskabeqarpoq maani, Hans Rafaelsen, aaqqissueqataasoq, ASP Aasiaat, KNR-imut oqarpoq.

Angutit maratonerneranni Frederik Petersen, Ilulissaneersoq, Kalaallit Nunaanni pissartanngorpoq atorlugit 3 tiimit 25 minutit 06 sekundillu. Arnani ukioq manna maratonernermi pissartanngorpoq Ajaaja Rosing, Aasianninngaanneersoq, atorlugit 4 tiimit 07 minutsit 07 sekundillu.

Halvmaratonimi angutini ajugaasuuvoq Karl Peter Kristensen, Norgemi ilinniartuusoq, arnanilu ajugaalluni Marie M Berthelsen, Nuuk.

10,5 kilometerernermi angutini Nuka Bendt Brandt, Aasiaat, ajugaavoq, arnani Elisabeth Penninga, Ilulissat ajugaalluni.

4,2 kilometerernermi angutini Lucas Penninga, Ilulissaneersoq, ajugaavoq, arnani Anja Lindskov, Aasianneersoq, ajugaalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat