Nunatsinni inuusuttuuneq pillugu assilisanik atuakkiaq nutaaq
Inuusuttut inuusuttutut inuunerminnik eqqarsaatiginninnissaat nammineerlutillu assiliisaqattaarnissaat siunertaavoq. Tassa inuusuttut illoqarfik najugaqarfigisartik aallaavigalugu isummaminnik siunissaminnullu tunngasunik isummersussasut.
Atuagaq inuusuttut sammisassatut soqutigisaannik allatanik assinillu makkuninnga imaqarluarpoq: Asanninneq, maqaasineq, neriuuteqarneq aamma anniaateqarneq, atuakkiortut allapput.
Atuagaq Råstof Københavnimi Illu Atlantikumi assinik saqqummersitsinerup ammarneqarneranut atatillugu oktobarip qulinganni naqiterisitsisarfimmit Milik Publishingimit saqqummersinneqassaaq.