Nunatsinni immap sikua nunarsuarmi frimærkini
Nunatsinni immap sikua nunarsuarmi frimærkinik katersisartuni katersanut ilaalissaaq.
Issittup ukiuinut atatillugu Post Danmark frimærkinik marlunnik saqqummersitsiniarpoq, ataatsimoortumik saqqummersitseqatigalugit Kalaallit Nunaat, Finland, Norge, Sverige, Island, USA aamma Canada.
Frimærkini taakkunani marlunni assiliartaliunneqassapput ukiup 1200-p missaani kulturit marluk naapinnerat aamma immap sikuata qinngornerit atorlugit tarrarsorneqarnera, Post Danmarkimit taama ilisimatitsisoqarpoq.
Ukiut 2007-miit 2009-mut nunarsuaq tamakkerlugu issittup ukiorissagai aalajangiunneqarsimavoq, taamaalilluni ilisimatuut nunarsuarmi sumi tamaneersut aasat marluk aamma ukiut marluk atorlugit Qalasersuup eqqaani aamma Sikuiuitsumi Kujallermi misissuissapput.
Ilisimatusarnissarsuarmut tassunga ilisimatuut 3000-it nunanit assigiinngitsunit 47-neersut peqataassapput.
Danskit ilisimatuui nunat tamat nunatsinni eqqaanilu aaqqissuussamik suliaqarnerini peqataassapput. Danmarkip nunattalu pingaarnerutillugit sammisassaat pingasuussapput ukuusut: Issittup silaannaa, nunatta sermersua, pinngortitaq aamma issittumi inuiaqatigiit.
