Nunatsinni ilisimaneqanngitsunik aqqartartoqartartoq
Qallunaat umiarsuisa alapernaarsuutaanni sonari atorlugu misissuisinnaanngillat, taakku sipaarutigineqarneri pissutaalluni.
Taamaammat naalagaaffiit assigiinngitsut Nunatta imartaanni piumasaminnik umiarsuarnik aqqartartunik angalatitsisinnaapput.
Berlingske taama allaaserisaqarpoq.
Aviisimit paasissutissat tamanut ammasut misissorneqarsimapput, misissuinermilu uppernarsarneqarpoq, Nunatsinni aqqartartut 15-nit 1980-imiilli takuneqarsimasut, kingullerlu 2006-imi takuneqarsimalluni.
Aamma atuaruk Rusland timmisartuutiminik sorsuutinik issittumi suliassanut naleqqussaalluni nutarterisoq
Isiginnittuusut marluk, Semion Willumsen aamma Martannguaq Jakobsen, Paamiut avataata tungaani, Qagssimi 2006-imi aavarnerminni aqqartartumik takusimallutik, tamannalu politiinut nalunaarutigisimallugu, aviisimut oqarput.
Danmarkiminngaanniillu aqqartartunik malersuisoqarsinnaanngitsoq, illersornissamut ministeri, Peter Christiansen Berlingskemut nassuerpoq.
Nunatta Danmarkilluunniit imartaanni aqqartartunik malersuisoqassappat, Danmarkip naalagaaffiit iligisai ikiuisariaqassasut, Peter Christiansen oqarpoq.
