Nunatsinneersut pingasut piorsarsimassuseq pillugu nittartakkamit piukkunneqartut

Piukkussinermullu atasuni arlalinni 2015-imi piukkunneqartuni kalaallit pingasut ilaapput.

Københavnip isiginnaartitsisarfiani saqqummerluartuni Mike Thomsen "Ni Hao Nuuk"-mi peqataanerminut piukkunneqarpoq. Tassani Global Storiesimut atatillugu Nunatta aatsitassarsiorfittut siunissaanik takorluukkamut isiginnaartitsissut Mike Thomsenip peqataaffigaa. Taanna Københavnimi Maskinhallenimi Østerbromiittumi isiginnaartitsissutigineqarpoq.

Eqqumiitsuliortoq Nunatsinni ilisimaneqarluartoq alla ukiumi erinarsullaqqinnerpaatut aamma piukkunneqarpoq.

Tassami Rasmus Lyberth Københavnimi Christianskirkemi ukiumoortumik tusarnaartitsinerminut aamma piukkunneqarpoq.

Piorsarsimassuseq pillugu nittartagaq Rasmus Lyberthimut ilisimasaqarluareerput.

Tassami Københavnimi piorsarsimassuseq pillugu pisoqaraangat nittartakkamit allaatiginnittoqartarpoq, Rasmus Lyberthilu Christianskirkemi tusarnaartitsimmat allaaserilluarneqarpoq, ullorissanillu arfinilinnit arfinilinnik tunineqarluni.

Aamma nuuteeraliaa kingulleq, Alaatsinaassuseq aquttoralugu ullorissanit arfinilinnit tallimanik aamma tunineqarpoq.

Kiisalu arnatut atorluni isiginnaartitsisartup Nuka Bisgaardip inuunera pillugu piviusulersaarusiaq allaaserineqarluartoq, Nuka the eskimo diva, ukiumi piviusulersaarutitsialattut piukkunneqarpoq.

Piukkunneqartut allat kikkuunersut paaserusukkukkit nittartagaq CphCulture.dk-mi takusinnaavatit.

Piukkunneqartuni kikkut ajugaassanersut Copenhagen Culturip aaqqisuisoqarfianit sapaatip akunnerata tulliani aalajangerneqassaaq.