Nunatsinneersut karate-mi ujaminnapput
Ujaminnattut tassaapput qatanngutigiit Christina aamma Camilla Jansen iliuutsinik takutitsinermi kata-mi kultinnallutillu sølvinnakkamik. Nuuk Shotokan Karate-Do taama nalunaarpoq.
Qulinik ukiulik Camilla Jansen ukiup aappassaa tulleriisillugu qulinik aqqanilinnillu ukiullit unammineranni kultinnappoq. Qatanngutaa aqqaneq marlunnik ukiulik Camilla aqqaneq marlunnik 13-inillu ukiulinni unammeqataagami kata-mi sølvinnappoq.
21-nik ukiulik Kasper Dyrberg aasaq tikillugu Nuuk Shotokan karate-D-mi ilaasortaasoq Danmarkimi klubbitaani sinnerlugu unammeqataavoq. Frikampimi kumite-mik taaneqartartumi iligiit pingasukkaarneranni pissartanngoqataavoq. Qernertumik qiterutillit ataasiakkaarlutik kumite-mi unammineranni aamma bronzennappoq.