Nunatsiavummi uranisiorfissamut naaggaarnissaq ilimagineqartoq

Akilinermi Nunatsiavummi namminersornerulersimasumi Inatsisartut Nunatsiavup avannaani uranisiorfeqalernissaq akuerissanerlugu akuerissannginnerluguluunniit ullumi taasissutigissavaat.
Allattoq Louise M. Kleemann
apriilip 09-at 2008 12:13

Nunatsiavummi Inatsisartut amerlanerussuteqartut akerliunissaat ilimagineqalereerpoq.

Isummerfigineqartussaq tassaavoq inatsit 2011-ip tungaanut atuuttussaq, ukiuni pingasuni uranisiornissamik inerteqquteqalersitsisussaq.

Taamanikkussami Nunatsiavummi isumannaatsumik avatangiisit pillugit upalungaarsimanissaq nutaamik malittarisassiuunneqareersimassaaq, tungaanullu pinngortitami pisuussutit qanoq siunissami atorneqarnissaat pilersaarusiorneqarsimassalluni.

Innuttaasut isumaat avissimappullusooq. Ilaasa pinngortitap ajoquseratarsinnaanera aarleqqutigalugu uranisiulernissamik kinguartitsineq nuannaarutigigaat, ilaasali Nunatsiavummi suliffissarpassuaqalernissaa pillugu kinguartitsineq uggorigaat.

Uranisiornissaq kinguartinneqassappat Aatsitassarsioqatigiit Aurora Energy Resources-ikkut paasilluassanerarpaat, oqarlutik naggueqatigiit Inuit tapersersuinnginnerisa uranisiliornissap inuiaqatigiit massakkut toqqissisimanngissutigigaat takutinneqaannassasoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq