Nunat tamat avatangiisit pillugit isumaqatigiissusiornissaq utaqqineqartassanngilaq
Qalasersuup sikutarsua ilimagisamit sukkanerujussuarmik nunguukiartorpoq, tamannalu ilisimatuunit annilaarutigineqarpoq. Danmark-imi Avatangiisit pillugit naalakkersuisoq Connie Hedegård nunat tamat isumaqatigiissuteqarnissaat anguniarlugu Danmark suliniuteqarnerarlugu oqarnera, nunatsinni avatangiisinut naalakkersuisumit Arkalo Abelsen –imit isornartorsiorneqarpoq, taanna oqarami nunat tamat isumaqatigiisuteqarnissaat utaqqinagu nunat ataasiakkat namminneq qanoq iliuuseqartariaqartut.
” Soorunami nuna tamat
Isumaqatigiissusiornissaat isumaqatigilluinnarpara, kisiannili nunat pisuut utaqqiinnassanngitsut nunat tamat isumaqatigiissusiornissaannik utaqqiinnassanngitsut, soorlu ilisimatuussutsikkut avatangiisinillu mingutitsinngitsunik nukissiiuuteqalernissaminnik qanoq iliuuseqartariaqalersut”, Arkalo Abelsen oqarpoq.
Nunat tamat isumaqatigiissusiornisaata utaqqiinnarneqartarnerat Arkalo Abelsen-ip ileqqunngorsimanerarpa, periarfissaqareersullu taamaaliortariaqarnerarlugit.
Kalaallit nunaani iliuutsit pillugit Arkalo Abelsen oqarpoq, kommunnit suliffeqarfiillu isumaqatigiissusiorneqarsimasut, ikummatissanik atuinitik nalunaarsortarnissaat pillugu. Kalaallit nunaanni avatangiisit pillugit ersarinnerusumik kikkut tamarmik malitassaanik maleruagassaqalernissaa ukiiaru silap kiatsikkiartornera pillugu isumasioqatigiinnissami, siunniuneqarpoq.
