Nunat tamat aningaasaateqarfiini uippallerneqarpoq

Nunat tamat aningaasaateqarfiini nioqquteqartarfiinilu uippallerneqarpoq. Tassami aningaasaateqarfiit akiliisinnaajunnaarlutik matunissaat ernummatigineqarpoq.
Allattoq Louise M. Kleemann
septembarip 16-at 2008 06:53

Amerikami illunik tuniniaasarfiit aningaasatigut ajornartorsiornerat pissutaalluni aningaasaateqarfiit atorniartarfiillu tulleriiaginnarlutik matooralerput.

Amerikami aningaasaateqarfik, Lehmann Brothers, 25.000-inik sulisoqartoq, akiliisinnaajunnaarluni ippassoq matuvoq.

Aningaasaateqarfiup matuneratigut piginneqatiginnissutit aktiet nalingi appariarujussuarput. USA-mi septembarip ulluisa aqqarnganni ukioq 2001 saassussisoqarnerata kingorna aktiet nalingi apparmatali aatsaat taama annertutigisumik apparput, aningaasarsiorneq pillugu aviisi, business.dk, nittartakkamini taama allaaserisaqarpoq.

Aningaasatigut ajornartorsiornerup taama sukkatigisumik ineriartornera pissutigalugu aktiatillit ernumatinneqalerput, nunarsuarmilu tamarmi aningaasarsiornikkut ajornartorsiuteqalernermik kinguneqarnissaa ernummatigineqalerluni.

Europami piginneqatigiinnissutinik tuniniaaviit aningaasarsiornermi ajornartorsiornermit eqqorneqareerput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq