Nunat pisuujunerpaat arfineq pingasut, G 8-mik taallugu Rusland-imi sankt Petersborgimi ataatsimeersuarnissaannut atatillugu, inuusuttut akerliussutsimik takutitsisut, Russit politiivinit avissaartuutsinneqarput. Taama aviisi politikken allappoq.
Akerliuniaqatigiit katillugit 37-it politiinit tigusarineqarput, ataatsimeersuarnissaq sioqqullugu aqqusinermik assersuimmata.
Aamma allat akerliuniaqatigiit saamerliuniat200-ut, Nunat pisuut ataatsimeeqatigiinnissaat akerleralugu, akerliussutsimik takutitsipput.
Akerliusut amerlanersaat kommunistiusut aviisi allappoq, akerliuniartullu avissaartuutsinneqaqattaarsimapput, naak akerliussutsimik takutitsinissamik akuersissummik tunineqarsimagaluarlutik. Akerliuniat amerlanerit isumaqarput, Russit præsidentiat, Putin, qulangersimaarinnippallaarluni Rusland-imik aqutsiniarsarisoq.