Nunat piitsut suli mingutitsisinnaatitaapput
Taamatut nipilimmik nunat EU-mi ilaasortaasut Danmarkilu nukissiuutit pillugit pilersaarusiamik allagaqarput.
Anori iluaqutigalugu nukissiuutinik sanaartortartut siorna upernaakkut nuannaarput, EU-mi nunat ilaasortat isumaqatigiimmata, ukioq 2020-imi nukissiuutitigut pilersorneqarnerup 20 procentia nukissiuutinit mingutitsinnngitsunit pilersorneqassammata.
Anori iluaqutigalugu nukissiuutinik sanaartortartut sapaatip akuuneri marluk qaangiuppata paasississaavaat, tunisassiornissaminnut nittarsaassinissartik sumi aallartissaneraat.
Aviisi sapaatip akunneranut saqqummertartoq Europian Voice allaaserisaa malillugu nunat EU-mi ilaasortaasut pitsuunerusut mingutitsinertik ukioq 2005-imut naleqqiullugu annertuseriartissinnaavaat, nunalli pisuunerusut mingutitsinertik annikillisissagaat.
Aviisp allaaseisaa malillugu nunat pisuunerusunik naatsersuunneqartut, siunissamik nukissiuutinik mingutitsinngitsunik atuinerusussaapput, Danmarks Radiop Bruxellesimi tugassiortua Charlotte Harder taamatut tusarliivoq.
