Nunat namminersulerusuttut Nunat Avannarliit suleqatigiinneranni periarfissaqarnerusariaqarput
Sverigimi ministeriuneq, Fredrik Reinfeldt, Oslomi Nunat Avannarliit Siunnersuisoqatigiiffianni ataatsimeeqataasoq, Radioaviisimut oqarpoq, Nunat namminersulerusuttut nunat avannarliit suleqatigiinneranni periarfissaqarnerusariaqartut.
Ålandimi septembarip qaammataani isumaqatigiissut tamanit tapersersorneqarpoq, Nunat Avannarliit Siunnersuisoqatigiiffianni januaarip aallaqaataani siulittaasunngortussaq, Fredrik Reinfeldt, oqarpoq.
Ålandimi isumaqatigiissummi nunat namminersortut Siunnersuisoqatigiffimmi sunniuteqarnerunissaminnut periarfissinneqarput, Danmarki sinniisuutitaqanngikkaangat, malittarisassani Kalaallit Nunaat aamma immikkut ilaasortatut inissinnissaminut periarfissinneqareerpoq, Sverigimi ministeriuneq oqarpoq.