Nunat inoqqaavisa utoqqartaat aasaru katerisimaassapput
Nunat inoqqaavisa assiigiinngitsut kulturitoqaat ileqqutoqaat anersaakkullu pisuussuteqarneq utoqqarnit sammineqartussat ilagaat.
Utoqqaat kattuffianneersoq Aasianneersorlu Hansine Petersen aaseqatigiinnissamut piareersaaqataasoq oqarpoq, iluaqutaasinnaanertik meeqqerivinni atuarfinnilu ilaatigut malunnartinniarneqassasoq akuulernermikkut.
- Nalunngilarput meeqqat ulluinnarni takusatik qanigisatut pingaartittaraat, taamaattumik iluatinnartuuvoq atorluarneqartarnissaq, katerisimaarnermi takutinniassavarput maani Kalaallit Nunatsinni aamma allatut inooriaaseqartugut, videoliortoqartussaammat aamma ileqqut oqaatigerusutallu siaruarternissaat, kiisalu utoqqaat inuiaqatigiinni tunniussinnaasaat atorluarneqartariaqarpoq, soorlu nerisassat qanoq iliorneqartarnerinik inooriaatsillu qangaanerusup qanoq ittuuneranik ilitsersuisinnaallutik allarpassuarnillu.
Katerisimaartussat Canadap avannaaneersuussapput, Latinamerikamiit, Europamiit nunatsinniillu.