Nunat G7-imut ilaasortaasut akiuussutissanik milliardinik tunissuteqassamaartut
![](/sites/default/files/styles/image_934x467/public/article_images/20210613-161527-l-1920x1280we_0.jpg?itok=HRlSkPid)
Nunat piitsut coronavirusimut akiuussutissanik 1 milliardinik tunineqarnissaat, nunarsuarmi nunat pisuujunerpaat arfineq-marluk G7-imik taaneqartartut isumaqatigiissutigaat.
Coronavirusimut akiuussutissat agguaassinikkut aningaasaliinikkulluunniit tunniunneqassapput.
Akiuussutissanilli 1 milliardinik tunissuteqarniarneq naammanngitsoq, ikiuiniaqatigiiffik Oxfam isumaqarpoq.
AAMMA ATUARUK Nunat tamalaat aquttuisa, G7 nunani piitsuni akiuussusersuinissamut aningaasaliisussatut kaammattoraat
Suliniaqatigiiffik taanna naapertorlugu inuit 4 milliardingajaat coronavirusimut akiuussutissanik nunarsuaq tamakkerlugu suleqatigiissut Covax aqqutigalugu pisariaqartitsipput.
Nunat piitsut, nunallu akunnattumik isertitaqarfiusut, nunat pisuut nunani tamalaani akiuussusersuinermi suleqatigiissutigisaat Covax aqqutigalugu akiuussutinik pilersorneqartarput.
Nutaarsiassaqartitsivik Ritzau taama allappoq.