Nunat Avannarliit Siunnersuisoqatigiiffiat nutaamik pisortartaassaaq. Pisortanngortussaq tassaavoq Jan-Erik Enestam Finlandimi inatsisartunut ilaasortaasoq. Taanna aggustimiit pisortatut sulilissaaq, maanna pisortaasoq Frida Nokken Norgimeersoq taarserlugu.
59-inik ukiulik Enestam 1991-imili Finlandimi Inatsisartunut ilaasortaavoq ministeritullu misilittagaqarluarluni, kingullermik avatangiisinut aamma nunani avannarlerni suleqatigiinnermut ministeriuvoq.
- Nunat Avannarliit suleqatigiinnerat maanna soqutiginartumik ineriartortinneqarpoq. Piffissaq tamaat nunanut avannarlernut tunngasunut atortalissagakku qilanaaraara, Jan-Erik Enestam oqarpoq.
Nunat Avannarliit Siunnersuisoqatigiiffiat qinikkanik 87-inik nunanit ukunanngaanneersunik ilaasortaqarpoq: Kalaallit Nunaat, Savalimmiut, Island, Sverige, Norge, Åland, Finland aamma Danmark.