Nunat Avannarliit silap pissusaanut ulloritinniarpaat 11. november

Nunani Avannarlerni meeqqat atuarfiini atuartut tamarmik qaammaasaqarnerulerlutillu ilisimasaqarnerulernissaat taamatut aaqqissuussiniarnermi siunertaavoq.

Silap pissusaata allanngoriartornera pillugu Naalagaaffiit Peqatigiit Københavnimi decembarimi ataatsimeersuartitsinissaat pitinnagu una piareersaatitut oqaatigineqarsinnaavoq, Nunanilu Avannarlerni atuartut ilinniartitsisullu sapinngisamik amerlanerpaat peqataatinniarneqarput.

Ulloqartitsinermut atatillugu nittartakkakkut saqqaliortoqassaaq, tassani soorlu iserfigineqarsinnaassallutik silap pissusaata allanngoriartorneranut atatillugu ajornartorsiutit pillugit ilinniartitsinermi atortussat, sammisassaqartitsiviit, unammisitsinerit kiisalu ilinniartitsinermut atatillugu programit katiteriviit.

Nittartakkakkut iserfigineqarsinnaasoq ateqassaaq www.klimanorden.org marsimilu aallartissalluni, silallu pissusaata allanngoriartornera pillugu novembarip aqqarnanni ulloqartitsinissamut atatillugu Nunani Avannarlerni ilinniartitaanermut attuumassuteqartut kikkulluunniit Nunat Avannarliit siunnersuisoqatigiiffiat aqqutigalugu aningaasanik qinuteqarsinnaapput.

Ulloq qinnuteqarfissaq kingulleq tassaavoq ataasinngorneq marsip aappaat.