Nunat Avannarliit pisuunut G20-nut ilaasortanngorusupput

Nunat pisuunerpaat 20-t nunanut aningaasatigut ikiortariaqarnerusunut ataatsimiitaliaat, G20, ataatsimiilerpat, Nunat Avannarliit ataatsimeeqataassasut, Norgimi nunanut allanut tunngassuteqartunut ministeriata, Jonas Gahr Støre-p, siunnersuutigaa.
aggustip 21-at 2009 11:46

- Aningaasaqarnikkut ajornartorsiorneq, silap pissusaa nukissiuuteqarnerlu nunanit pisuunerpaanit oqaluuserineqalerpata, nunat Avannarliit peqataasariaqarput, Jonas Gahr Støre Bergenimi aviisimut oqarpoq.

Norgimi nunanut allanut ministerip tunngavilersuutigaa Nunat Avannarliit nunat amerlanerpaamik aningaasaliisartut qulit akornanni ilaasut, aamma Naalagaaffiit Peqatigiinnut suliniaqatigiiffinnullu allanut nunanit tamaneersunut tunisinerpaasartut.

- Sydafrika, India Brasilialu Naalagaaffiit Peqatigiit isumannaallisaaqatigiivinut ilaasortaanngillat, G20-nulli ilaallutik. Tamanna ineriartorneruvoq ajunngitsoq, Nunat Avannarliinnaanngitsut, aamma Norgiinnaanngitsoq, G20-mi ilaassanngillat, Nunalli Avannarliit tamarmik ilaasariaqarput. Tamanna anguniartuassavara, naak ineriartornermut malinnaalluartariaqassagaluarluta.

Naalagaaffiit Peqatigiit aalajangiisarnerat G20-mit taarserneqassagaluarpat navianarpallaassaqaaq, Jonas Gahr Støre oqarpoq.

Taassuma isumassarsiani Danmarkimi, Sverigimi, Finlandimi Islandimilu nunanut allanut ministeriinut kalerriutereerpaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq