Nunat Avannarliit Killiit ulluat siunnersuutigineqarpoq
Islandip, Savalimmiut Nunattalu nunarsuup sinneranut nittarsaannerunissaat, minnerunngitsumillu ataatsimoorfeqarnissaat siunnersuummi anguniarneqartoq, Kalaallit Nunaata aallartitaasa siulittaasuat, Josef Motzfeldt, oqarpoq.
- Nunat Avannarliit Killiit immikkorluinnaq kultureqarlutillu inuusaaseqarlutillu pissuseqanerat nunarsuup sinneranut nittarsaanneqarnissaa aamma nunat taakku imminnut qanitariit ataatsimoorfeqarnissaat siunnersuummi tunngaviupput, Josef Motzfeldt oqarpoq.
Inuiaat ullormik ataatsimoorfeqarnissaat pingaaruteqartoq Josef Motzfeldt isumaqarpoq.
Nunat Avannarliit Killiit Siunnersuisoqatigiiffiata ukiumoortumik ataatsimiinnerani Tasiilami aasaru aggustimi pisussami, siunnersuut oqaluuserineqassaaq.
Nunat Avannarliit Killiit nerisassaataat, nipilersoriaasiat timersoriaasiat kiisalu eqqumiitsuliornikkut kulturikkullu immikkuullarissusaat ullormi tassani nittarsaanneqartarnissaat siunertaavoq.
