Nunat avannarliit killiit pillugit ulloqartitsineq

Tallimanngorpat unnukkut nunanit taakkunannga arnat erinarsortartut pingasut tusarnaartitsissapput. Nunatsinniillu Nina Kreutzmann Jørgensen peqataassaaq. Tusarnaartitseqatigissavai Lena Andreassen Savalimmiuneersoq Lara Runarsilu Islandimeersoq. Taakku pingasuulluik Hans Lynge Inersuani tusarnaariat nipilersornerup 2013-imi sumi inissisimaneranik tusarnaartissavaat.

Arfininngorpat nerisassat filmillu sammineqassapput. Katuami igasuuneq, Inooraq, TV-mi igasoq inuusuttunnguaq savalimmiuneersoq Gutti Winther aamma Gísli Matthías Auðunsson Islandimersoq nunat killiit avannarliit nerisassiarisartagaannik igassapput. Katuamut isertut nunat avannarliit killiit igaavinik Cafetuami pisisinnaapput aammalu nerisassianik nunanit pingasuneersunik assigiinngitsunik ussigassaqartinneqassallutik.

Aammattaaq nunani taakkunani filmilianik Katuami arfininngorpat filmertitsisoqassaaq. Nunatsinnit takutinneqassapput ’Qaqqat Alanngui’ aamma ’Hinnarik Sinnatunilu’. Savalimmiunit ’Bye Bye Bluebird’ aamma ”Jitters” Islandimeersoq.

Aaqqissuussineq pillugu annertunerusumik paasisaqarsinnaavutit: http://www.katuaq.gl/kl/pisussat/Pisussat-allat/Nunat-Avannarliit-Killii...