Nunat Avannarliit Killiit EU-mut qanillattorput
Issittumi immakkut annaassiniarnernut, Issittumi siunnersuisoqatigiinni, issittumi paasissutissiisarnernut allaffeqarfimmik, issittumilu ilisimatusarnernut EU ikiuuttariaqarpoq.
Allattoq Louise M. Kleemann
apriilip 30-at 2008 06:26
Nunat Avannarliit Killiit Siunnersuisoqatigiiffiat EU-milu inatsisartut Reykjavikimi inatsisartoqatigiit akornanni siullerpaamik apriilip ulluisa 28-anni ataatsimiimmata taama siunnersuuteqartoqarpoq.
Issittumi silap pissusaata allanngoriartornera, angallannerup isumanaatsuunissaa, imaani annaassiniarneq, aningaasatigut ineriartortitsineq Nunat Avannarliit Killiit EU-milu inatsisartut siunissami suleqatigiissutigisariaqaraat ataatsimiinnermi oqaluuserineqarput. EU-mi inatsisartuni ilaasortat arfineq-pingasut ataatsimiinnermi peqataapput.
Inatsisartunut ilaasortaq Ruth Heilmann Kalaallit Nunaanniit peqataavoq.
