Nunat Avannarlermiut eqqumiitsulianik Nuummi saqqummersitsilerput

Saqqummersitsineq taaguuteqarpoq ”Soorunami”, ”Natúrligvís”, - taamalu taaguuteqarnera nalaatsornerinnaanngilaq. Tassami ”pinngortitaq” saqqummersitsinermi sammineqarmat.

Eqqumiitsuliortut savalimmiormiut qulit Nunanilu Avannarlerleersut allat arfineq marluk saqqummersitsinissami aaqqissuisuupput, saqqummersitnissamullu tunngavigitinneqarpoq Nunani Avannarlerni Illup, Nordens Hus”-ip, Torshavnimiittup, ukiunik 25-nngortorsiornera. Savalimmiormiut eqqumiitsuliortut pinngortitamit sunnertisimaartorujussuusarput, soorlu kalaallit aamma taamaattut.

Taamaammat Nunani Avannarlerni eqqumiitsuliortut 17-it taakku pinngortitaq pillugu assigiingitsunik suliassinneqarsimapput. Eqqumiitsuliallu taakku qanoq inerneqarsimanersut qanorlu isikkoqarnersut Nuummi eqqumiitsulianik Katersugaasivimmi arfininngorpamiit qimerloorneqarsinnaalissapput.

Julie Edel Hardenberg Kalaallit Nunaanniit peqataasussaavoq.

Saqqummersitsinermut ”Soorunami”-mut atatillugu eqqumiitsuliorneq pinngortitarlu pillugit aamma oqallitsisitsisoqassaaq.