Nunat avannaamioqatigiit kulturimut tunngasumik kanaaleqalissapput
Nutaamik kanaaleqalernissaq Nunani Avannarlerni Siunnersuisoqatigiit qanittukkut ataatsimiinneranni, kulturimut ilinniartitaanermullu ataatsimiititaliap, Nunani Avannarlerni kulturimut ministerinut, eqqumiitsuliornermik kulturimillu kanaalitaarnissamik isumassarsiaq sulissutigeqqullugu suliakkiissutigaat.
- Kanaalimik taamaattumik pilersitsinikkut, Nunani avannarlerni ataatsimoorussamik pisortatigoortumik nutaamik pilersitsissagaluarpugut, tamannalu Nunat Avannarliit suleqatigiinnerannut nukittorsaataassagaluarpoq, Olemic Thommesson, kulturimut ilinniartitaanermullu ataatsimiititaliameersoq taama oqarpoq.
Ataatsimiititaliap aamma Nunani Avannarlerni kulturimut ministerit ataatsimeeqatigiinneranni, ministerit isumassarsiamut tapersiipput, misissueqqissaarnissartillu oqaatigalugu.
Nunani Avannarlerni Kulturimut ataatsimiititaliap, Nunani Avannarlerni ataatsimoorussamik kulturimik sammisalimmik kanaalitaarnissamik pisariaqartitsineq, immikkut ilisimasalinnut nalilersortinniarpaa. Taakku ilaatigut tikkuarpaat Nunani Avannarlerni tv-kkut kanaalini, Amerikamiut aallakaatitassiaat ullumikkut takussaanerummata, Nunat Avannarliillu kulturimut kanaaleqalerpata, tamanna illuatungiliilluarsinnaassagaluartoq.
