Nunat allamiut 20-t tigusarineqartut
Italiamiut politiivi peqqarniisaarniarneq akiorniarlugu angisuumik maanna iliuuseqaleruttorput, tassa tamanna Milano-mi eqqartuussiviup naalakkkiutigisimammagu.
Allattoq Elisa Isaksen
Nutaarsiassaqartitsivik ANSA nalunaarpoq, politiit nunani allamiunik 20-nik tigusarinnissimasut, taakku musliminik ingasattajaarnianik peqqarniisaarniartartunik pilersitsisimasutut aamma Irakimi Afghanistanimilu imminut toqoriaatigalutik qaartartumeerisussanik pilersaarusiorsimasutut pasineqarput.
Politiit Milanomi aamma Reggio Emilia-mi pakasaallutik paasiniaanerminni qaartartuliornermi akoorutissat ikitsissutillu arsaarinnissutigaat.
Qaartartuliornermik ilitsersuutit isertorlunilu sorsuunnermi periaatsinik ilinniutit peqqarniisaarniaqatigiinnit al-Qaidameersut aamma nassaarineqarput.