Akerliussutsimik takutitsisut: Nunasiaatillit, Kim kisermaassilluni ingerlatsisoq aamma angerlarit
Lars løkkep Nuummut tikeraarneranut atatillugu inuit 70-it missaanniittut akerliussutsimik takutitsiniarlutik katersuupput.
Allattoq Anton Gundersen Lihn, Kenneth Elkjær
septembarip 10-at 2018 13:32
Akerliussutsimik takutitsineq Partii Naleqqamit, sapaatiummat ualikkut naalakkersuisooqataajunnaartumit, aaqqissuunneqarpoq. Mittarfiliortiternissamut danskit aningaasaleeqataanissaat pillugu Kim Kielsenip Naalakkersuisut sinnerlugit isumaqatigiissuteqarniarnera partiip kamaatigaa.
Akerliussutsimik takutitsisut Hans Egedep Illuanut eqqaanut anngutereerput. Kielsenip Løkkellu tusagassiortunik katersortitsinerat nal. 13.45 tassani pisussaavoq.
Kim kisermaassilluni aqutsisoq, nunasiaatillit aamma angerlarit, akerliussutsimik takutitsisut allagartarsualiaanni danskisut taama allassimasoqarpoq.