Nunasiaataasimasut ataatsimeersuassapput
Kommissionip isumaa tassaavoq nunat OLT-imi ilaasortaasut inissimanerat allanngoriartussasoq taaguummiit "Nunat ineriartortut atugarissaartut"-mit "Nunat ilaqutaasut"-nik taaneqartalissasut. Tamatuma kingunerissavaa nunat OLT-mi ilaasortaasut EU-mi suliniutit il.il. ingerlatsiffiusunut EU-mi ilaasortatulli periarfissaqalernissaat soorlu aamma atugassarititaasut aningaasalersuiniarnermi oqilisaavigineqarlutillu paasiuminarsarneqartassasut.
Aningaasatigut tapiissutinik pisarneq pillugu Kalaallit Nunaat immikkuttaaq taaneqarpoq piumasaqaatinik naammassinnilluartartutut taamaattumillu aningaasat qinnutigineqartartut pissarsiarisarlugit. Tamannalu isumaqarpoq 2007 qaangiutsinnagu Kalaallit Nunaat aningaasanik tapiissutinik pissarsissasoq, piareersarluarsimanini peqqutigalugu.
