Nunarsuit 32-t nutaat nassaarineqarput

Europamiut avataarsuanik Chilemi misissuivianeersut ulloriarsiuut nassaartuupput. Seqineqarfitta avataaniittut nunarsuit ilisimaneqartut nunarsuit nassaarineqaqqammernerisigut 400-nngortippaat.

Ullorissat uisorilanerisa allanngoralaarnerisa ilisimatuunit misissorluarneqarnerisigut nunarsuit nassaanerineqarput. Nunarsuit seqineqarfitta ataanniittut angissusaat uisorilanerit atorlugit ilisimatuut naatsorsorsinnaavaat.

Nunarsuit nassaarineqartut 32-usut minnersaat nunarsuatsinnit tallimariaammik angineruvoq.

Nunarsuarmut assingusumik nunarsuarmik nassaarnissaq ulloriarsiuut qilanaareqaat, uumassuseqartunimmi tassani nassaarsinnaaneq ilimanaateqarnerummat.

- Ajunngitsumik ingerlavugut, Stephane Udry CNN-imut oqarpoq.

- Aqquserngup naaffiani uagutsinnut assingusumik inuuneqarlunilu ulloriaqarpoq, alloriarnerilli ataasiakkaartariaqarpavut, taanna oqarpoq.