Nunarsuarput aatsaat taama kiatsigisoq uuttorneqarpoq
Kisitsisit nutaat Amerikami silasiorfinni marlunneersut tamanna ersersippaat.
Europami nunani arlalinni aasaq manna kiattorujussuuvoq. Taamaattorli aasaanera kisimi kiassimanngilaq, aasaanerali sioqqullugu qaammatit aamma kiattorujussuummata, ukiup affaa aatsaat taamak kiatsigisoq oqaatigineqarpoq.
Qaammatit tulleriit kiattorujussuunerisa kinguneranik ukiup affaa kiannerpaatut oqaatigineqarpoq.
Assersuutigalugu juuni 1985-imiit ukiut tamaasa kianneruleraluttuinnarpoq.
Amerikamiut silasiorfiisa oqaatigaat, tamatuma saniatigut 2010-mi juuni qaammatit tulleriit sisamat kiannerpaatut rekordiliiffiusut sisamarigaat, tassami marsi, apriili aamma maaji aatsaat taamak kiatsigisimammata.
- Qaammatit tulleriit sisamat kiannerpaatut rekordiliiffiusut siornatigut naammattorneqarsimanngillat, Martin Stendel Danmarkimi silasiorfimmi DMI-meersoq oqarpoq.
