Nunarsuarmiut silap pissusaata allanngoriartornera ajornartorsiutitut isigaat

Nunarsuatsinni innuttaasut immikkoortunut pingasunut agguataaraanni, immikkoortut marluk isumaqarput, silap pissusaata allanngoriartornera ajornartorsiutaasoq ilungersunartoq, tamanna inunnik 24.000-inik isumasiuinerup ersersippaa.
Allattoq Elisa Isaksen
decembarip 07-at 2009 05:58

Misissuinermi, Tuluit Nunaanni BBC-mit ingerlanneqartumi, aperineqartut 63 procentiisa silap pissusaata allanngoriartornera, ajornartorsiutitut ilungersunarluinnartutut isigaat.

Matumani aamma soqutiginarpoq taamatut isumaqartut Brasiliami 86 procentiulltuik amerlanerpaammata, Indiamili aamma USA-mi 44 procentiusut.

Aningaasanut tunngasut COP15-imi isumaqatigiinngissutigineqartut annersaannut ilaasussaapput. Nunat suliffissuaqarfiusut, nunanut ineriartortunut, silap pissusaata allanngoriartorneranut iliuuseqarsinnaanissamut, ilaatigut teknikkimut tunngasunik nutarterinissamut qanoq aningaasaliissanersut oqallisigineqassaaq, taamaalilluni silap pissusaanut iluaqusiisinnaaniassammata.

Aperineqartut 61 procentiisa, naalagaaffigisamik silap pissusaata allanngoriartorneranut iliuuseqarnissamut aningaasaliinissaa isumaqatigaat, aamma naak tamanna aningaasaqarnermut ajorseriaataassagaluarpalluunniit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq