Nunarsuarmioqatit ullorsioqatigissavaatigut

Naminersulernitsinnut atatillugu nunarsuatsinnit sumi tamaanngaanniit Nuummukartut amerlaqaat, suliffeqarfiutillillu Nuummi Kommuneqarfik Sermersuup allaffeqarfiani saqqumersitsinikkut iminnut nittarsaassinnaapput.
juunip 12-at 2009 12:44

Saqqummersitsineq juunip 20-anni ammarneqartussaq taaguuserneqarsimavoq, Greenland Expo - Business and Investment Potential, kalallisuunngorlugu; niueqatissatut aningaasaliiffigisassatullu piukkunnaatillit. Pisortat namminersortullu suliffeqarfii 27-t saqqumersitsinermut peqataaniarlutik nalunaarsimapput, ilaatigut ilusilersuisartut eqqumiitsuliortullu aamma peqataassapput.

Saqqummersitsinermik aaqqissuisut tassa; Kommuneqarfik Sermersooq, Namminersornerullutik Oqartussat, Sulisitsisut - GA, Branding Greenland, sulisitsisut peqatigiiffiat NUSUKA, KaNuKoKa kiisalu Nunatsinni takornariaqarnermut niueqatigiinnermullu siunnersuisoqatigiit - GTE.

Suliffiutillit niuertullu saqqummersitsineq aqqutigalugu niueqatigisinnaasaminnik nunanit 20-ninngaaneersunik naapitaqarsinnaapput, Nunanit avannarlerniit Nunavumiillu aamma tikeraartoqarnissaata saniatigut naalagaaffiit aallartitaat ambassadørit 14-it tikissapput, soorlu USA-miit, Ruslandimiit Japanimiillu.

Taakkua saniatigut nunani assigiinngitsuni tusagaassiutineersut 35-t namminersulernissatsinnut alapernaakkiassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq