Nunarsuarmi utoqqaanersaq 120-nik ukioqarpoq
Meeqqat qulit, ernuttat 120-t, ernutaqqiutit 250-it, ernutaqqeeqqiutillu 30-t.
Tassa nunarsuarmi utoqqaanersap ilaqutai. Arnaq peqqissoq 120-nik ukiulik, Israelimi najugaqarpoq, naatitanillu nerisaqarluartarami peqqissuunerarpoq.
Allattoq Mads Lynge
februaarip 16-at 2008 13:37
- Ullut tamaasa tallimanut makittarpoq, pisuttuartarpoq, ullorlu sinnera ilaquttaminnut atortarlugu. Tamatta ilisarisinnaavaatigut, ernuttat 120-usut ilaat oqarpoq.
Kinaassutsimut allagartamik nutaamik qinnuteqaateqarnialermat paasinarsivoq Mariam Amash 120-nik ukioqartoq.
Angutini nunarsuarmi utoqqaanersaq Mariamimit nukarliungaatsiarpoq, Japanimeersoq Tomoji Tanabe 111-iinnarnik ukioqarami.
Mariam Amash 1888-imi inunngorpoq. Biilit taamanikkut nassaarineqaqqammerput, utoqqarujussuanngorniaraannilu iminngernaveersaartoqartariaqartoq, Mariamip oqaatigaa:
- Inuusuttut ullutsinni aalakoornartutorpallaarput, inuusuttunut inuulluaqqusiitigaluni Mariam Amash taama oqarpoq.
